ҚЫТАЙДА ӘУЕ ТАКСИІ ҚЫЗМЕТ КӨРСЕТЕ БАСТАДЫ
Қытайдың Хафэй округінде тұрғындарға әуе таксиі қызмет көрсете бастады,-деп хабарлайды «Қалам.kz» ақпарат порталы «24кз» телеарнасына сілтеме жасап.
Көлік құралы бір уақытта 5 адамды тасымалдай алады. Жоба авторларының айтуынша, такси экологиялық жағынан таза, ауаны ластамайды. Тағы бір ерекшелігі, ол кез келген алаңға ұшып, қона алады. Айта кетейік, Қытай – жолаушыларға ресми түрде әуе таксиі қызметі ұсынып отырған алғашқы ел. Бұған дейін бірқатар елде тек ұшу сынақтары ғана жүргізілген болатын.