Облыс орталығын кәріз жүйесімен қамту деңгейін арттыру мақсатында қазіргі таңда 9 жобаның құрылысы қарқынды жүріп жатыр,- деп хабарлайды «Қалам.кз» порталы.
Одан бөлек, биыл 3 нысанның құрылысы басталмақ. Сонымен қатар, 3 жоба республикалық бюджетке қаржыландыруға ұсынылып, 2 нысанның жобалау сметалық құжаттамалары әзірленуде.
Аталған жобалар толықтай іске асырылған жағдайда қала аумағы 90 пайыз, ал жыл соңына дейін 50-55% кәріз жүйесімен қамтылатын болады. Сондай-ақ, биыл жыл соңына дейін сарқынды су желісімен қамтамасыз ету көрсеткішін 50-50%-ға жеткізу жоспарланып отыр. Қала аумағындағы жүргізілген сарқынды су желілерінің басым бөлігі магистралдық құбырлар. Осыған орай, қала көлемін сарқынды су жүйесімен қамту мақсатында жалпы 15 жоба іске асырылуда.