ТҮРКІСТАН ҚАЛАСЫНДА ҚАР ТАЗАЛАУҒА 12 ТЕХНИКА МЕН 200-ГЕ ЖУЫҚ АДАМ ЖҰМЫЛДЫРЫЛДЫ
Түркістанда тұрғындар мен қонақтарға қардан қолайсыздық туындамау үшін тазалық мекемесінің қызметкерлері бүгін түнгі сағат 2-ден қар күреу жұмыстарына шықты,- деп хабарлайды «Қалам.кз» порталы қала әкімінің баспасөз қызметіне сілтеме жасап.
Қазіргі таңда жұмылдырылған жалпы 12 техника негізгі үлкен жолдар мен аяқжолдарды қардан тазалап, құм мен тұз себуде. Сонымен қатар 200-ге жуық астам адам қала аумағында қар күреп, тазалықпен айналысуда.
Аталған техникалар мен жұмысшы күші алдымен орталық маңызы бар, қоғамдық көліктер жүретін негізгі көшелердегі қарды күреп, көшелер кезегімен қардан тазалап жатыр.