Талдықорған қаласында ақпанның 15-18 күндері аралығында Каратэ (WKF) спорт түрінен юниорлар және жастар арасында Қазақстан чемпионаты өтті.
Елішілік сайысқа барлық өңірдің іріктелген спортшылары қатысып, жеңімпаздарды анықтады. Нәтижесінде Түркістан облысының спортшылары жоғары деңгейде өнер көрсетіп, 1 алтын, 3 күміс және 1 қола медаль еншіледі. Дүбірлі додада қарсылас шыдатпаған Ақманас Нұрдәулетхан алтын медаль алса, Жасұлан Туртбай, Олжас Қабылан, Ақсұлтан Өмірзақтар күміс медаль иеленді. Ал Аяла Жанысбек қола медальді қанжығасына байлады.