Филиппин елінде су спорты түрлерінен Азия біріншілігінде түркістандық арулар қос алтынды қанжығасына байлады.
Алдымен 50 метрге брасс әдісімен жүзу сайысында Аделаида Пчелинцева Азия рекордын орнатып, жеңімпаз атанды. Одан соң Софья Сподаренко 100 метр қашықтықта баттерфляй жүзу тәсілінде жаңа рекорд орнатып, ел қоржынын алтын алқаға толықтырды.
Айта кетейік, бұған дейін қос аруымыз 100 метрге еркін жүзу эстафетасына қатысып, күміс жүлдегер атанған болатын. Бұл — Қазақстан әйелдер құрамасының Азия чемпионаттарындағы алғашқы жүлдесі.
Пікір жазу
